Shërbimet Tona
Çfarë
Ofrojmë
Ne?
Ofrojmë për individët me nevoja të posaçme terapi të folure, terapi zhvillimi, terapi muzike, fizioterapi dhe kurse pavarësie. Ofrojmë për prindërit këshillim, trajnime dhe grupe mbështetje. Ofrojmë për komunitetin aktivitete sensibilizuese.
Ndërhyrja e Hershme
Ndërhyrja e Hershme konsiston në një Vlerësim Multidisiplinar të kryer nga ekipi ynë i specializuar dhe në përpilimin e një Plani Individual Trajtimi (PIT), i cili dakordësohet me prindin dhe synon të trajtojë sfidat zhvillimore dhe të të nxënit që fëmija mund të ketë, duke përmirësuar aftësitë e tij në të mësuar, komunikim dhe ndërveprim social.
Trajnime për Pavarësi dhe Punësim
Grupet e Pavarësisë konsistojnë në aktivitete të fokusuara për të rinj mbi 14 vjeç, me qëllim zhvillimin e aftësive jetësore dhe sociale, për t’u mundësuar atyre autonominë. Çdo individ kryen një vlerësim individual nga profesionistë përkatës, më pas ata hartojnë një plan mbështetës që përfshin aktivitete logopedike, fizioterapeutike dhe pavarësie.
Lexo më shumë
Shërbime për Prindërit
Shërbimi i këshillimit për prindërit, është një proçes profesional individual që ofrohet për nënat e baballarët apo edhe të dy prindërit njëkohësisht të fëmijëve që marrin shërbime në qendër. Ky shërbim ofron mbështetje, dëgjim dhe orientim profesional në lehtësimin e gjendjes psikologjike dhe emocionale të prindërve të fëmijës duke rritur funksionalitetin individual, cilësinë e marrëdhënies në çift si dhe atë të jetës familjare. Ky shërbim ofrohet nga psikologu dhe realizohet përmes takimeve individuale apo në çift.
Shërbime për Komunitetin
Një nga qëllimet kryesore të qendrës Jonathan është sensibilizimi në shoqëri, pranimi dhe përqafimi i individëve me Aftësi Ndryshe. Ndër vite janë realizuar aktivitete të ndryshme me natyrë informuese dhe sensibilizuese si : Body Walk, Konferenca, Koncerte, Sfilatë me të rinjtë me Sindromën Down etj. Ne synojmë që çdo individ me nevoja të posaçme të marrë jo vetëm shërbimet që i nevojiten në zhvillimin e potencialeve të tyre por dhe të pranohen, integrohen dhe të përqafohen nga shoqëria.